الامانه

بسم الله والصلاة والسلام على أحسن من عبد الله على وجه الارض محمد بن عبد الله صلى الله عليه وسلم
أولا وحشتونى جداً وشكراً لكل حد صوت على الاستفتاء اللى انا عملاه ويارب أكون عند حسن ظنكم
الاول قبل الاستاذ مصطفى مايبتدى فى الدرس جاله سؤال مهم جداً أعتقد ان كلنا مرينا به فى بداية الالتزام
السؤال هو (انا عمال أتوب وأرجع أتوب وأرجع مش عارف أعمل أيه؟!)
الاجابة: أولا لازم تعرف ان ربنا مدام انه القى فى قلبك انك عايز تتوب وتوبت يبقى أكيد هو تقبل توبتك وأنه مدام فتح عليك فى الدعاء يبقى أكيد هو سبحانه وتعالى هيستجيب ان شاء الله
أعتقد كلنا مرينا بالحكاية دى لحد مافى لحظة حسينا اننا قريبين اوى من ربنا واننا ماينفعش اننا نعصيه تانى بعد كل النعم دى مش معنى كدة اننا هنعيش معصومين بس على الاقل الذنوب اللى بعد كدة مش هتكون عن تعمد ان شاء الله ..نبدأ الدرس على بركة الله
الاماااااااااااااااااااااااااااااااااااااااااااانة
الامانة هى انى اكون مديلك حاجة ملكى وتتصرف فيها زى ما أنا عايزده المعنى العام للامانة
أنواع الامانة:1- الامانة مع الله (يا أيها الذين أمنوا لا تخونوا الله والرسول )
والامانة اللى ربنا ادهلنا هى امانى التخيير يعنى مثلا (أعزكم الله) الحيوانات مسيرة مش مخيرة والجماد والنبات وكل شئ فى الكون مسير الا بنى أدم ربنا كرمهم على باقى المخلوقات (إنا عرضنا الامانة على السموات والارض والجبال فأبين أن يحملنها وأشفقن منها وحملها الانسان أنه كان ظلوماً جهولاً)
ليه هو ظلوما جهولا لانه ماقدرش يحافظ على الامانة اللى ربنا ادهاله ربنا خيره بين أنه يصلى أو انه وقت الاذان يكون فى مكان فيه معصية لكنه أختار مكان المعصية
ربنا قله أسمع كلام أمك وأبوك وعيش تحت رجليهم لكنه سمع كلام الشيطان اللى كفر بربه والشيطان بقة يقله زعق فى امك علشان ماتخدش عليك يسمع كلامه
ربنا يقله اوعة تغش فى الامتحان (من غشنا فليس منا) الشيطان يقله اللى يغش بيجيب مجموع فيسمع كلام الشيطان
وحطوا بقة الامثلة دى على كل حاجة بنقول لربنا عليها لاء وبنسمع فيها كلام الشيطان اللعين
الامانة التانية هى أمانة النبى صلى الله عليه وسلم:النبى صلى الله عيه وسلم ترك لنا الدين ده أمانة فى عنق كل مسلم ومسلمة تخيل كدة انت قاعد فى بيتك والباب خبط وانت بصيت من العين السحرية لقيت واحد شكله حلو أوى وأبيض وجميل وشعره ناعم وطويل فأنت فتحتله وقلتله انت مين قال لك انا رسول الله صلى الله عليه وسلم ممكن أعد اتكلم معاك شوية فأنت فرحت أوى وسلمت عليه وقلتله أتفضل ودخل ولقاك بتتفرج على فيديو كليب او على مشهد مش كويس فى التليفزيون ويقولك هى دى الامانةاللى انا سبتهالك بقة أنا أتهان وأتضرب والحديد يدخل فى وشى فى إحدى الغزوات علشان أوصلكم الدين ده وانت بتتفرج على المناظر دى؟؟؟؟؟؟؟؟؟؟؟
انا نفسى كل واحد وواحدة مننا نتخيل المنظر ده وانا مش هكمل فى أمانة النبى وهستنى أنكم انتوا اللى تكملوا الموضوع
الامانة الثالثة .الامانات اللى بينا:مات أحد الشهداء فى إحدى الغزوات فى عهد النبى صلى الله عليه وسلم وبعد ما دفنوه قال النبى صلى الله عليه وسلم انه يعذب الان ففتحوا عليه القبر وجدوا عباءة مشتعلة عليه عارفين ليه لانها ماكنتش بتعته وكانت امانة عنده ورغم انه ميت شهيد لكن الا الامانة علشان دة ياجماعة لازم كل واحد مننا يفتكر ويدور فى حاجاته ليكون حد سايب معاه أمانة وهو ناسيها ولا حاجة .
أخر أمانة هى أمانة النعم:
البصر :غض البصر . غض البصر . غض البصر
بقة بعد ماربنا ينعم علينا بالنعمة اللى غيرنا محروم منها نبص بيها على الحرام وخد عندك بقة من أول البنا والشباب اللى فى الجامعة لحد المترو لحد الفديو كليب لكل الحاجات دى طب والله أنا من كتر خوفى من الموضوع ده بعد الدرس سألت الاستاذ مصطفى (هو حتى لو انا بتفرج فى التليفزيون على شيخ او داعية يبقى انا كدة مش بغض بصرى ) قالى الاولى انك ماتتفرجيش كفاية بس انك تكونى سمعة الدرس أو الخطبة
شفتوا الموضوع خطير أزاى
أمانة الزوج والزوجة:انا عرفة ان معظم اللى على المنتدى هنا مش متزوجين ده اذا ماكنش كلنا لكن أن شاء الله ربنا يرزق كل الاخوة بزوجات صالحات وكل الاخوات بأزواج صالحين انه هو ولى ذلك والقادر عليه
لكن اهى معلومة علشان المستقبل ان شاء الله لازم الزوجة تكون هى الحضن والامان لزوجها مش كل يوم خناق ومشاكل لازم تعرفى انك انتى الوقود اللى بيتحرك بيه زوجك واوعى تنيميه زعلان
والزوج أوعى فى يوم من الايام تمد أيدك على زوجتك وتنيمها معيطة والضرب معلم على جسمها لازم نتقى الله فى بعض أخوية اللى بيتجوز حماه بيقوله بنتى دى أمانة ازاى انت بعد كدة تخون هذه الامانى اللى ربنا أحلهالك وتزوجتها على كتاب الله وعلى سنة رسول الله صلى الله عليه وسلم.
أنا مش عايزة أطول عليكم أكتر من كدة علشان تقدروا تقرأوا الموضوع كله
رجاء أخير ياريت تدعولى يلاخلاص بجد انا محتاجة دعائكم جداً
السلام عليكم